«Эздел» яхача юкъарлос, Матенаькъан 1аббаса Илеза «Дувцараши фаьлгаши» яхача книжка гойтам д1абихьар

Г1алг1ай мехка август бетта 29-ча дийнахьа Г1алг1ай къаман литература юкъе боккха лерх1ам болаш в1ашаг1кхетар хилар. Къонача йоазонхочо Матенаькъан 1абаса Илеза яьздаьча «Дувцараши фаьлгаши» яха кинижка дувцаш гойтам д1абихьар.

Цига дакъа лаца баьхкабар г1алг1ай йоазонхой, 1илманхой, г1алг1ай литератураца бала бола юкъара нах, иштта кхыбола беза хьаьший а.

Гулбенначар лакхача маьхе оттабир Илеза йоазонца баь болх, къаьстта белгалдир Илеза ший кинижк ц1енача г1алг1ай меттаца яьздаь хилари, бусалба дин а г1алг1ай 1адаташ а в1аший къоаста ца деш, вешта аьлча, уж шоайла хетта гарга эза хилари.

Хьехархой балха говзал лакхъяра йолча института говзанчас Овшнаькъан Марьяма къаьстта хьоахдир автора х1ара дувцара юкъе багахбувцамца бувзам баьлга.

Йоазанхой союза кулгалдеш йолча Дидигнаькъан Раисас ший оаг1орахь дехар дир боккхаг1болча йоазонхошка, Илез санна болча кагирхошта балха говзал т1ехьа г1о деш хила, аьнна. «Малхбузехьара боккха 1откъам латт къамашта юкъера башхалонаш юстарйоахаш, уж г1ерт вайна вай 1адаташ а, вай культура а, къаман къоастамаш а дицдалийта, цудухь цу хьаькъе дукха къахьега деза вай массараша»- аьлар цо ший къамаьл чакхдоалаш.

В1ашаг1кхийттачар, къонача йоазонхочоа дукха ловцаш а даьха, балха т1ехьленгахь аьттув хилар ловш къамаьл дир.

 

 

Более подробный фотоотчет вы можете посмотреть по ссылке

Добавить комментарий

Ваш e-mail не будет опубликован. Обязательные поля помечены *